Azken ekarpenak

Guraso eta irakasle talde batek Ikastolaren hastapenetan proiektuaren sostengu ekonomikorako bere biziko garrantzia izan zuen Ikastolako Tabernaren ekimena berreskuratzea proposatu du.
Orduan bezala, Ikastolaren izaera herrikoiari heldu nahi diote topaleku euskalduna eskainiz herri erdian.
Ekimenaren abiapuntua, lehen esperien-tzia gisa, Laudioko jaietarako prestatu dute eta Pio XII pasabidean zegoen “Basajaun” tabernako lokalean zabalduko da berriro Ikastolako Taberna.

“NI JAU”:
Yongzhu eta Mei Li gara, hirugarren mailako haurrak. Nahiz eta txinatar txontxongiloen itxura hartu, ahotsa Alaitz eta Aitzolek utzi digute (beraiek etxetxo barruan daude).

Jantoki eta garraio zerbitzuak goizeko jarduneko ordutegira moldatuko dira ekainaren 5etik aurrera. Eskolaz Kanpoko Ekintzen programa maiatzaren 31an amaituko da.

Haur Hezkuntzako lorategiak behin baino gehiagotan izan ditu biztanle berezi eta kuttunak eta aurten ere lortu dugu oilaloka dotore bezain zintzoa.
Gure algarek aztoratu eta txitatzeari utziko ote zion beldur ginen, baina ez da horrelakorik gertatu eta ekainaren bost aldera arrautzak kraskatzen hasiko dira eta gu hor ibiliko gara prozesu guztia behatzen.

Ekainaren 4an Ikastolako udalekuen aurkezpen bilera egingo da 16:30ean Areto Nagusian. Aurten ekainaren 22tik 27ra burutuko ditugu Zuhatza irlan.

Haur Hezkuntzako 5 urteko mailan ""GORPUTZA" gaia landu dugu azken hilabetean eta benetan diogu gustura aritu garela, asko ikasi dugula eta zuek ikusteko moduko zerbait ere sortu dugula. Hasteko gure gurasoek sekulako lana egin dute gu jaio ginen eguneko gora beherak kontatzen ETA GEHIENAK EUSKARAZ GAINERA!!! benetan TXAPELDUNAK izan direla esan dute andereñoek. Guk ere, dagoeneko, gauza asko dakigu gure gorputzari buruz. Andereñoak ere lagundu digu informazio gehiago bilatzen .... eta honekin guztiarekin lan handia egin dugu: informazioa bilatzen, partekatzen, eztabaidatzen, ... Orain pasabide eta eskailerak dotore-dotore jarri ditugu guk egindako lanekin eta sartzen diren guztiak begira-begira gelditzen dira (uste dugu txundituta gelditzen direlako dela)

Batxilergo 1.mailako ikasleok paraplegikoei eta tetraplegikoei buruzko hitzaldi bat izan dugu AESLEME elkartearen eskutik apirilaren 12an. Gehien harritu gaituena zera da: gure bizitzaren edozein momentutan gaur hitzaldian entzundako eta ikusitako egoerak gertatu ahal zaizkigula.

Lehen hezkuntzako bigarren mailako ikasleek Aiaraldea Komunikazio Leihoa bisitatu zuten maiatzaren 7an. Gelan komunikabideak ikasten ari direla-eta, Aiaraldea Irratiak Laudion duen egoitzara hurbildu ziren. Gela bakoitzak irratsaio bana grabatu du: Mihian kili-kili eta Udaberriko loreak. Besteak beste, albisteak, olerkiak, aho korapiloak eta txisteak kontatu dituzte. Saioak entzuteko, egin klik izenburuen gainean.

garraio zerbitzuaren funtzionamendua

Orriak